•Sisimiuni
mittarfik ukiunik qulinngortorsiorpoq
Ukiut
qulit ingerlanerini ingerlatsinermut sinneqartoorutit arfinileriaammik
annerulersimapput ilaasullu sisamariaammik amerleriarsimallutik.
Sisimiuni timmisartunut mittarfeqanngikkaluarpat Sisimiut
ullumikkutut issanngikkaluarpoq: Provinsimi illoqarfik mutiusoq
ingerlalluartorlu
Allattoq: Marianne Langvardt. Nuts.: N. Knudsen
Tallimanngorneq oktoberip pingajuani ullaakkut timmisartumikaallarniartut
kaffisunnialaammik ullaakkorsiorlunilu iffiat tikkinik
tikilluaqquneqarumaarput. Inuittaaq allat aallartussaanngitsut
mittarfimmut alakkaanissaminnut periarfissinneqassapput,
ullormi taanna mittarfiup illutaa mittarfillu kikkunnit
tamanit alakkaarusuttunit nal. 08.00- 16.00 tungaanut
allakkarneqarsinnaajumaarmat. Ulloq 4. oktober mittarfik
ukiunik qulinngortorsiussaaq tamannalu tallimanngornermi
3. okt. Malunnartinneqassalluni.
- Sulisut feeriartut eqqaassannikkaanni tamatta ulloq
taanna maaniissaagut, ingerlatsinermi ittuusoq Bo Olsen
oqarpoq, taanna mittarfiullu pisortaa Niels Grosen, Poul
Leander trafikassistentilu Poul Kreutzmann sivisunerpaamik
mittarfimmi suliffeqarsimapput. Tassa mittarfik atulermalli.
Kisianni Poul Kreutzmann Heliporteqarallarmalli sulilersimavoq,
taamanikkut helikopterit ilaasunut 22-nut inissallit atuukkallarmata.(
Nutaat, tassalu Dash 7-it, inunnik 42-46-nut ilaasoqarsinnaapput).
- Taamanikkut ( tassa ukiut 30-t matuma siorna) Heliportimiippugut,
taanna maannakkut ungdomsklubbiuvoq. Taamanikkut suli
qarasaasiaqanngikkallarmat. Ilaasunut tunngasut tamarmik
assaannarmik allanneqartarput, Pouli kingumut eqqaavoq.
Suliffitsialak
- Pitsassuarmik suliffeqarpugut immitsinnullu ikinngutigiilluta,
Bo Olsen oqarpoq. Taanna sanasutut ilinniarsimasuuvoq.
Suleqataa Poul Leander automekanikeritut ilinniarsimasuuvoq.
Ittortik Niels Grosen peqatigalugu indsatslederitut ilinniarsimapput.
- Timmisartornermi isumannaallisaanneq, timminermi nunamilu,
soorunami pitsaalluinnartuussaaq, ukiumullu 12-riarluta
immami nunamilu sungiusartarpugut, Bo Olsen oqaluttuarpoq
Mittarfimmiit sapaatip akunneranut timmisartunik 32-riarluni
aallartoqartarpoq, ullormut tallimariarluni tassa ataasinngornermiit
tallimanngornermut. Arfininngornermi sisamariarluni.Sapaammi
sulisoqarneq ajorpoq. Aamma tamanna juullimi ukiortaamilu
pisarpoq. Mittarfiup atuutilerneraniit ingerlatsinermi
sinneqartoorutit arfinileriaammik amerleriarput ilaasullu
sisamariaammik amerleriarlutik.
Assit oqaasertassaat:
"Inuit pingasut naalakkersueqatigiit": Poul
Leander, Niels Grosen aamma Bo Olsen, Mittarfik Sisimiut.
Tallimanngorpat mittarfimmi sulisimanerminnik ukiunik
qulinngortorsiussapput, ullortaaq taanna Mittarfik ukiunik
qulinnguissaaq. Assilisinneqarmat timmisartoqarfimmi Air
Greenlandimi sivisunerpaamik sulisimasoq Poul Kreutzmann
aavariarsimavoq, taamaattumillu assiliseqataannani.
Boximi Mittarfeqanngikkaani:
Mittarfeqanngikkaanni Arctic Circle Raceqassanngilaq,
ataatsimeersuartoqartarnavianngikkaluarpoq, ilinniarfeqarani
aalisarnermullu tunngasunik niuffattoqarani. Mittarfeqanngikkaluarpat
tungaanut aqqusineqassanngikkaluarpoq ikaartarfeqaranilu.
Taamaasillunilu Akiaqarani…
