•Angut
nuannaartoq
Misilittagaqarluartoq,
sulilu inuusuttoq, naak sukkut tamaana gigte malunniussimagaluartoq.
INI A/S-ip siulittaasua, aamma Sisimiut Kommuniata Teknikkikkut
Avatangiisinullu ataatsimisitaliaani siulittaasoq, Kristian
Lennert-ti, tallimanngormat Taseralimmi 60-liinera ilasseqatigiinneqarpoq.
Inuit amerlasuut ulloq taanna atorluarlugu Kulturikkut Illorsuarmut
aqqusaarsimapput, siulittaasoq pilluaqquniarlugu.
Inuuvia iluatillugu Kristian Lennert-ip ilasseqatiginera
malunnartinneqarpoq Maniitsup Sisimiullu Kommuunii ataatsimuulerpata
akiortaamut qinikkatut sulinera taamaatissammat.
Qinernikikkama, taama oqarpoq, Kristian, kisianni massuanani,
Ukioq kingulleq assut gigternera malunnarsimavoq, taamaalillungalu
qineqqusaarnermi saqqumivallaarsimananga. Soqutaanngilarli.
1995-mili politikkikkut suleqataalerpunga, taakkulu ukiut
assut nuannersimapput pissanganarsimallutillu. Inuuneq naassaanngiitsuunngilaq,
ukiumilu nutaami politikkikkut sulinera sumik taarsissanersoq
annilaangassutiginngilara. Soorlu ilaquttakka malinnaavigissallugit
piffissaqarlualissaanga, politikkut annertuumik soqutigisaqarnera
aamma ingerlaannassaaq., taamaak oqarpoq Lennert, ukiullu
ingerlanerini politikkikkut suleqatigisarsimasani qujaffiginiarlugit.
INI A/S-ip aqutsisua direktørialu, Kenneth Jørgensen
Lennertimut qujaniarpoq, siulittaasutut sulisimaneranut.
-Illit INI-ip bestyrelsiani 2003-mili inissisimasimavutit,
2007-milu siulittaasutut inissillutit. Illit siuttuusimavutit
INI-p ajunngitsumik ingerlanissaa kommunit aaqqissuunneqarnerisigut
allannguinermi. Tamanna akisussaaffik annertuujuvoq. Aamma
politikkikkut ajugaallutit ajorsarlutillu misilinnikuuat,
taamma oqarpoq Kennerth Jørgensen, Kristian Lennert-lu
umiartortut nalunaaqutaannik tunillugu, taassumap piffissaq
nalerarlu eqqortoq takutittarpaa.
Kristian Lennert suli ukiorpassuit peqqikkusuppoq. Taamaammat
INI-ip siulittaasoq nulialu aamma timigissartarfimmut isissutissaannik
tunivaai.
Kisinnili Sisimiut Peeqqissaaviani ittuuffini tenikkikkut
tunngasuni, suli taama utoqqaatiginnginnami ingerlatiinnassava,
suliunnaarnissami tungaanut.Ukiut tallimat qaangiuppata
tassani aatsaat suliunnaassaaq.
-Suliffiga nuannariqaara, taama oqarpoq, Kristian Lennert
Assit allagartaat:
035: Inuuissiortoq Kristian Lennert, nuannersumik Taseralimmi
ilassineqartoq.
036: Kritian Lennert Aqqalu-Peter Lyberth.
