•Hotel
Sisimiut nutaamik
isumassarsiamik najoqqutassaqalerpoq
 Ukuaq
direktøringorpoq attartortunit Aps Hotel Sisimiut-nit
atorfinitsinneqarami.
Siornatigut hoteldirektøriusimasup Jørgen
Lingsip akunnittarfiup illuutai suli pigai.
All. Assillu: Marianne Langvardt. Nuts.: N. Knudsen.
Anette Grønkjær Lingsip, siornatigut Greenland
Travel, sakimi Jørgen Lingsip allaffia Sisimiuni
Hotelimi saffiginnittarfimmiittoq allaffittaaraa. Piginnittuunermut
najoqqutassat nutaat atuutsilersut isumaqarput akunnittarfiup
illuutai suli Jørgen aamma Sys Lingsimitpigineqassasut,
attartortulli nutaat Aps Hotel Sisimiut Anette Lings akunnittarfiup
pisortassaatut qinerpaat.
-Taamaasiornitsigut qulakkeerparput Sisimiut akunnittarfeqaannarnissaa
aammalu sakikkuma suli peqataanissaat. Aamma erniinnaq
allanngortiterisussaavugut, taama Anette Lings oqaluttuarpoq.
Taanna soorluuna atorfittaaminut sungiusseriivissimasoq.
- Sømandshjemmimi peroriartornikuuvunga, soorlulu
nammineq panittulli anaanaga malittuartarsimavara, Anette
Lings qungujuppoq. Maanna akunnittarfimmi eqqissisimaneqarpoq,
saaffiginnittarfimmi suliassani nakkutigiutigalugit anaanaajutigalunilu
tusagassiortorlu oqaloqatigiutigalugu.
Illunik tuniniaasartoq Magnus Agerskov Nuummi Grønlands
Ejendomskontorimeersoq oqaloqatigisaqattaareerlugu najoqqutassaq
nutaaq isumassarsiarineqarpoq, Anette Lings oqaluttuarpoq.
Magnus Agerskovip saniatigut Aps-ip bestyrelseaniipput
makku Anette Lingsip uia Bo Lings, Sirius Greenland, Christian
Frimodt-Møller, World of Greenland AC aamma Morten
Nielsen, Air Greenland.
Hotel Sisimiuni piffissaq ulapiffiunnginnerpaajusartoq,
tassalu junip 15.-ianiit aggustip 15.-ianut takornarianut
nutaamik aaqqissuusinissamik periarfissatsialanngorpoq.
Tamannalu World of Greenland peqatigalugu pisassaaq.
Takornariat akunnittarfimmi najugaqartassapput, qaqqamut
pisutsinneqartassallutik, immakkut angalatinneqartassallutik
kaffillerfigineqartassallutillu.
Sulisut tungaatigut aamma allannguisoqarpoq. Neriniartarfittaani
neriniartarfimmi pisortaq René Dyg Mikkelsen sulilerpoq
iggavimmilu islandimiu/ savalimmiormiu Rógvi Absalonsen
igaffimmi pisortatut sulilerluni.
Tallimanngormat akunnittarfimmi nutaamik najoqqutaqalerneq
pillugu ilasseqatigiinneqarpoq.
Asseq:
 013:Hotel
Sisimiut-ni aqutsisut nutaat. Saamimmiit: Neriniartarfiup
ittua René Dyg Mikkelsen, Anette Grønkjær
Lings aamma igaffimmi pisortaq Rógvi Absalonsen.
|
