•Tillinniaqatigiit
 All.
Mala ( nuts. N. Knudsen )
Politiinit: Ataasinngormat ullaakkut septembarip
15.-iani Inuit IT tillinniarfigineqarsimavoq. Tamanna periitsiartoq
angut 26-nik ukiulik politiinit tigusarineqarsimavoq parnaarunneqarallarsimallunilu
sapaatit akunneri pingasut qaangiuppata sassartinneqarnissami
tungaanut. 26-nik ukiullip qarasaasiat sisamat pisiniarfimmiiit
tigusimavai inuusuttuaqqallu inersimanngitsut
( ukiukitsut ) pingasut
tillinniaqatigisimallugit.
Tillinniarnermut atatillugu politiit aamma inuk ataaseq
tillikkanik pisisimasutut unnerluutigaat. Politistationip
ittuata Hans Falck Petersenip nalunaarutigaa tillikkanik
pisisimasut ilimagissagaat pillaatisiassatik sukannernerulersinneqarumaartut.
Politiit tillikkanik tunisisimaneq erngerlugu paasivaat.
Ulluni makkunani Sisimiuni tillinniartoqaqattaaqaaq.Inuusuttut
tallimat allat 13-iniit 18-inut ukiullit Finn-Fotomiittut
sissiukkamilu containeriniittut siumorneqarputtaaq. Piffinni
taakkunani marluk politiinit tigusarineqarput.
Peqqarniitsumik nakuuserneq
All. Mala (nuts. N. Knudsen)
Politiinit Ataasinngormat septembarip 15.-iani ullaakkut
nal. 9.00 politiit angut 30-nik ukiulik aappaminik nakuusersimasutut
tigusaraat. Arnaq ima persuttartissimatigaaq, nakuusernerlu
ima peqqarniitigisimavoq politiit aalajangertariaqarlutik
angut ingerlaannaq pineqaatissinneqassasoq, tassa qaammatit
arfinillit isertitsivimmiinnissaanik inassuteqarlutik. Pingasunngormat
30-nik ukiulik qaammatini arfinilinni isertitsivimmiitinneqarnissaminik
pineqaatissinneqarpoq aqaguanilu, tassa sisamanngornermi,
erngerluni isertitsiviit arlaannut ingerlanneqareerpoq.
|
